கொங்கோவில் தீவிரமடையும் அரிய வகை எபோலா வைரஸ்: 120 பேர் உயிரிழப்பு

கொங்கோ ஜனநாயகக் குடியரசில் பரவி வரும் அரிய வகை எபோலா வைரஸ் பாதிப்பு காரணமாக இதுவரை குறைந்தது 120 பேர் உயிரிழந்துள்ளதாக அதிர்ச்சித் தகவல் வெளியாகியுள்ளது. அத்துடன், மேலும் நூற்றுக்கணக்கானோருக்கு இந்த நோய்ப் பாதிப்பு இருக்கலாம் என்று பலத்த சந்தேகம் எழுந்துள்ளது. அந்நாட்டில் தற்போதைய நோய் நிலைமை மிக வேகமாக மாறி வருவதாகவும், வரும் வாரங்களில் கூடுதல் பாதிப்புகள் கண்டறியப்படலாம் என்றும் அங்குள்ள சுகாதாரத்துறையினர் எச்சரித்துள்ளனர்.

நிலைமையைக் கட்டுப்படுத்த அந்நாட்டு அரசாங்கம் தீவிர நடவடிக்கைகளை மேற்கொண்டு வருகிறது. இதன் ஒரு பகுதியாக, நோய் பரவல் அதிகமாக உள்ள கிழக்கு இத்தூரி (Ituri) மாகாணத்தில் மூன்று புதிய சிகிச்சை மையங்களைத் திறக்க அரசாங்கம் திட்டமிட்டுள்ளது. அதே வேளை, உலக சுகாதார அமைப்பு (WHO) இந்தத் தடுப்பு நடவடிக்கைகளுக்குத் தேவையான முழுமையான ஆதரவை வழங்கி வருவதோடு, நிலைமையைக் கையாள சிறப்பு நிபுணர்களையும் அங்கு அனுப்பி வைத்து வருகிறது.

இந்த நோய் பரவல் பல வாரங்களாகக் கண்டறியப்படாமல் போனதற்கு, வைரஸின் தொடக்க கால பரிசோதனைகள் தவறான வீரியத்தை (strain) அடிப்படையாகக் கொண்டு செய்யப்பட்டதே காரணம் என்று சுகாதார வல்லுநர்கள் சுட்டிக்காட்டியுள்ளனர். இது குறித்து ஜோர்ஜ்டவுன் பல்கலைக்கழகத்தைச் சேர்ந்த மேத்யூ எம். கவானாக் (Matthew M Kavanagh) கருத்துத் தெரிவிக்கையில், "தொடக்க கால சோதனைகள் தவறான எபோலா வகையைத் தேடியதால், நமக்கு தவறான நெகட்டிவ் (false negatives) முடிவுகள் கிடைத்தன. இதனால் பல வாரங்கள் வீணாகிவிட்டன. இப்போது நாம் மிகவும் ஆபத்தான ஒரு நோய்க்கிருமிக்கு எதிராகப் போராடி வருகிறோம்," என்று கவலை வெளியிட்டுள்ளார்.