Montreal பகுதியில் பெட்ரோல் விலை மீண்டும் உயர்வு: லிட்டர் 2 டாலரை தாண்டியது

Montreal மற்றும் அதன் சுற்றுவட்டாரப் பகுதிகளில் உள்ள சில எரிபொருள் நிலையங்களில் பெட்ரோல் விலை மீண்டும் ஒரு லிட்டருக்கு 2 டாலர் என்ற அளவைக் கடந்துள்ளது. இன்று வெள்ளிக்கிழமை காலை நிலவரப்படி, பல எரிபொருள் நிலையங்களில் விலையேற்றம் காணப்பட்டது.

குறிப்பாக, மொண்ட்ரியல் நகரின் பார்க் அவென்யூவில் (Parc Avenue) உள்ள பெட்ரோ-கனடா (Petro-Canada) நிலையத்தில் ஒரு லிட்டர் பெட்ரோல் 203.9 சென்ட்டுகளுக்கு விற்பனை செய்யப்பட்டது. அதேபோல், லோங்குயிலில் (Longueuil) உள்ள ஜாக்-கார்டியர் புலிவார்டு (Jacques-Cartier Boulevard) அல்ட்ராமார் (Ultramar) நிலையத்திலும், லாவலில் (Laval) உள்ள Le Corbusier Boulevard , Canadian Tire நிலையத்திலும் விலை 203.9 சென்ட்டுகளாகப் பதிவாகியுள்ளது.

இதர பல நிலையங்களில் விலை 190 சென்ட்டுகளை ஒட்டியே காணப்படுகிறது. எரிபொருள் விலை குறித்த தகவல்களை வழங்கும் கேஸ்படி (gasbuddy.com) இணையதளத்தின்படி, Quebec மாகாணத்தின் சராசரி விலை தற்போது 194.1 சென்ட்டுகளாக உள்ளது. குறைந்தபட்ச விலையாக பெலோயியில் (Beloeil) உள்ள டி எல் இண்டஸ்ட்ரி புலிவார்டு (de l’Industrie Boulevard) கிரெவியர் (Crevier) நிலையத்தில் 169.9 சென்ட்டுகள் பதிவாகியுள்ளது.

ஈரானில் தொடர்ந்து நடைபெற்று வரும் போர் சூழல் காரணமாகவே சர்வதேச சந்தையில் எண்ணெய் விலை உயர்ந்து, அதன் எதிரொலியாக பெட்ரோல் விலையில் இந்த அதிரடி மாற்றம் ஏற்பட்டுள்ளதாகப் பொருளாதார நிபுணர்கள் தெரிவித்துள்ளனர்.