Torontoவில் கத்திக்குத்து சம்பவம்: ஒருவர் படுகாயம்!

கனடாவின் Toronto நகரில் உள்ள பார்க்ஹில் (Parkdale) பகுதியில் திங்கள்கிழமை அதிகாலை நடந்த கத்திக்குத்து சம்பவத்தில் நபர் ஒருவர் படுகாயமடைந்துள்ளார்.

Toronto நகரின் டஃபெரின் ஸ்ட்ரீட் (Dufferin Street) பகுதிக்கு மேற்கே அமைந்துள்ள கிங் ஸ்ட்ரீட் வெஸ்ட் (King Street West) மற்றும் டின்டால் அவென்யூ (Tyndall Avenue) சந்திப்புப் பகுதியில் அதிகாலை 3 மணிக்கு முன்னதாக இந்த வன்முறைச் சம்பவம் நடந்துள்ளதாக காவல்துறை தரப்பில் தெரிவிக்கப்பட்டுள்ளது. இச்சம்பவம் குறித்து தகவல் கிடைத்ததும் அவசரப் பிரிவினர் மற்றும் போலீசார் சம்பவ இடத்திற்கு விரைந்து சென்றனர்.

சம்பவ இடத்திற்குச் சென்ற அதிகாரிகள், தோள்பட்டையில் பலத்த கத்திக்குத்து காயங்களுடன் உயிருக்கு போராடிக் கொண்டிருந்த 40 வயது மதிக்கத்தக்க நபர் ஒருவரை மீட்டனர். உடனடியாக அவர் தீவிர சிகிச்சைக்காக அருகில் உள்ள மருத்துவமனைக்கு கொண்டு செல்லப்பட்டார்.

தற்போது வரை தாக்குதல் நடத்திய சந்தேக நபர் குறித்த எந்தவொரு அடையாளமும் விபரமும் கிடைக்கவில்லை என்று போலீசார் தெரிவித்துள்ளனர். இச்சம்பவம் குறித்து டொராண்டோ (Toronto) காவல் துறையினர் தீவிர விசாரணையை மேற்கொண்டு வருகின்றனர்.